Басты Жаңалықтар Енді Алматы әуежай жылына 9 миллион жолаушыға қызмет көрсетеді

Енді Алматы әуежай жылына 9 миллион жолаушыға қызмет көрсетеді

Алматы халықаралық әуежайының ішкі рейстерге арналған терминалы жаңартылды. Тіркеу және тексеру аймақтары кеңейтіліп, жолаушыларға арналған күту залдары қайта жабдықталды. Одан бөлек, багажды сұрыптау жүйесі жетілдіріліп, үш жаңа телескопиялық трап іске қосылды. Бұл өзгерістер ішкі рейстер терминалының жылдық өткізу мүмкіндігін 3 млн 200 мыңнан 9 миллион жолаушыға дейін арттыруға мүмкіндік береді. Құрылыс жұмыстары 13 айға созылып, жобаға 32 миллион АҚШ доллары көлемінде инвестиция салынған. Мамандардың айтуынша, атқарылған жұмыстар жолаушыларға қызмет көрсету сапасын арттырып, әуежай инфрақұрылымына түсетін жүктемені азайтады. Сонымен қатар Алматының Орталық Азиядағы ірі авиациялық торап ретіндегі әлеуетін нығайтуға ықпал етеді.

Бөлісу