Басты Жаңалықтар Су астында қалған 40 үй жарамсыз күйде

Су астында қалған 40 үй жарамсыз күйде

24.02.2014 08:30

Ақерке Берікбекқызы, тілші:

Қызылорда облысы Жаңақорған ауданындағы жағдай әлі де күрделі. Әсіресе, таудың етегінде орналасқан елді мекендерге қауіп жоғары, дейді мамандар. Күннің біресе суытып, біресе жылынуы да ахуалды қиындатып тұр. Дәл қазір мұнда термометр көрсеткіші -6-ны көрсетіп тұр. Су басып қалған үйлер енді мұз астында қалды. Тұрғындар баспаналарын тастап, туған-туыстарын жағалап кеткен. Белгілі болғаны, 40 үй жарамсыз жағдайда. Шығынды арнайы комиссия есептеуде. Адам шығыны мен мал шығыны жоқ. Арнайы құрылымдар қауіпті аймақтарды жіті назарда ұстап отыр. Тікұшақпен ауық-ауық бағдарлау жұмыстары жүргізілуде. Синоптиктер ертең, одан арғы күні ауа райы жылынады деген болжам айтуда. Аудандық Төтенше жағдайлар бөлімі басшысының айтуынша, егер жердің тоңы жібісе, жағдай тіпті қиындай түспек.

Бөлісу