Жаңалықтарды Telegram арнамыздан оқыңыз!Өткен тәулік ішінде елімізде қар астында қалған 600 жолаушы құтқарылды. Бір ғана Алматы облысының өзінде 15 адамға көмек көрсетілді. Қарағанды облысында 8 адам жолда қалып қойған. Жамбыл облысында да көлік қозғалысы қиындап, 53 автокөлікке кұтқару жұмыстары көрсетілді.
Мамандардың айтуынша, еліміздің басым бөлігінде ауа райының тұрақсыздығы алдағы күндері де сақталатын болады. Осыған орай, мамандар жақын күндері алыс сапарға шықпауды ескертеді.
Әлия Оспанова, «Қазгидромет» РМК орталығының жетекші инженер-синоптигі:
Антициклонның әсерінен болған аязды күндер әлі де алдағы бір-екі күнде солтүстікте, шығыс өңірлерде және Қарағанды облысында сақталмақ. Солтүстікте, шығыста және оңтүстік-шығыс өңірлерде ауа температурасы сәл де болса жоғарылайды. Тұрақсыз ауа райы сақталады.
Айдана ҮСЕНБАЙ
