Басты Жаңалықтар Журналистер қару асынды

Журналистер қару асынды

22.02.2014 05:30

Бүгін Алматыда «Ұлттық атқыштар ассоциациясы» Республикалық қоғамдық бірлестігінің ұйымдастыруымен еліміздегі бұқаралық ақпарат құралдары өкілдерінің мергендігі сыналды. Тапаншамен 9 нысананы дәлдеген жарыста 30 журналист бақ сынады.

Атыс қаруын бірінші рет қолға алған тілшілер қобалжымады, жамбыға дәл тигізуге тырысып бақты. Ақпараттың сарбазы саналатын тілшілер қауымы қашанда от пен оқтың, түрлі оқиғаның ортасында жүреді. Террористік ұйымдар да көбінде журналистерді кепілге алады. Сондықтан, тілшілердің атыс қаруын дұрыс қолданудың тәсілін білгені, игергені артық болмайды,- дейді ұйымдастырушылар.

Аркадий Шалхаев, «Ұлттық Атқыштар Ассоциациясы» РҚБ нұсқаушысы:

Біздің Ата Заңымызда жеке тұлғаның өзін қорғау құқығына кепілдік берілген. Әр адам өзін, отбасын қорғайды. Ал, бұл жарыс журналистер қауымының түрлі жағдайда ары мен намысы тапталмасы үшін ұйымдастырылып отыр. БҰҰ журналист қауіпсіздігі үшін - әр тілшінің қару қолдана білуге машықтануын қарастырады. Біздің отандық журналистер де жаһандық үрдістен қалмауы керек.

Дәурен ДАРИЯБЕК

Бөлісу