Мәжіліс депутаттары ардагерлердің арызын тыңдады

Тыл ардагерлері мен балалық шағы соғыспен тұспа-тұс келген жандарға көрсетілетін көмек көңіл көншітпейді. Майдан даласында болмағанымен, соғыстың ащы дәмін олар да татты.

 

«Отан соғысы ардагерлері, тыл еңбеккерлері мен соғыс балаларының кеңесі» қоғамдық қорының мүшелері бүгін Мәжіліс депутаттарымен кездесті. Өтініш, арызын айтты. Бүгінде ел аумағы бойынша, бар-жоғы он мыңдай ардагер қалды. Ал, мылтықсыз майданда шайқасқандардың көзі тірілері екі жүз мыңнан асады. Төрт жыл бұрын құрылған қор ардагерлерге қолдан келгенінше әлеуметтік және қаржылай көмегін көрсетіп келеді.