Басты Жаңалықтар Петропавлда «Мәңгілік ел» акциясы өтті

Петропавлда «Мәңгілік ел» акциясы өтті

21.02.2014 05:30

Петропавлда Елбасы Нұрсұлтан Назарбаевтың «Мәңгілік ел» идеясын қолдауға арналған жалпыұлттық патриоттық форум өтті. Манаш Қозыбаев атындағы университетке жиналған қауым «Қазақ елі» жаңа ұлттық идея төңірегінде шоғырланып, ұлы мақсаттарға жететініне сенім білдірді. Форумға 500-ден астам адам қатысты.

7 құндылыққа негізделген «Мәңгілік ел» идеясының маңыздылығын теріскейлік жастар жете түсініп отыр. Акция аясында «Мәңгілік ел» идеясына қатысты тілектер жазылатын кітап әзірленген болатын.

Асанәлі Әшімов пен Олжас Сүлейменов алғаш тілек жазған бұл кітапқа солтүстік қазақстандықтар да өз лебіздерін қалдырып, патриоттық форум эстафетасын Қызылордаға табыстады.

Сағындық СӘБИТҰЛЫ

Бөлісу