Басты Жаңалықтар Жамбыл облысында жұмыссыздар саны азайған

Жамбыл облысында жұмыссыздар саны азайған

19.02.2014 05:30

Еліміздегі агарлы өңірлердің бірі саналатын Жамбыл облысында кейінгі жылдары өндіріс те қарышты дамып келеді. Мұны негізгі капиталға салынған инвестиция көлемінен байқауға болады.

Былтыр бұл көрсеткіш 248 миллиард теңгеге жетіп, бұған дейінгі жылмен салыстырғанда, екі есеге артқан. Ал «Индустрияландыру картасы» шеңберінде аймақта 8 инвестициялық жоба іске асты. 700-ге тарта жұмыс орны ашылды.

Бүгін облыс жұртшылығы алдында атқарылған жұмыстарға есеп берген облыс әкімі мұнан өзге де салалардың барлығында айтарлықтай өсім барын айтты.

Осылардың ішіндегі ең негізгісі - облыс халқының әлеуметтік жағдайы жақсарған. Жұмыссыздар мен тұрмысы нашар отбасылар қатары да азайып отыр.

Кәрім Көкірекбаев, Жамбыл облысының әкімі:

Облыстың коммуналдық меншігіндегі 132 шақырым су жүйелері тазартылып, көптеген нысан ағымдағы жөндеуден өтті. Облыс аумағында 2009 жылдан бері су үнемдеу технологиясын қолдану 9,6 есеге өсіп, 2 880 гектарды құрады. Биылғы жылы бұл көрсеткішті 5 400 гектарға жеткізу көзделіп отыр.

Ғани ҚАЛМАХАНОВ

Автор

Ғани Қалмахан

Бөлісу