Қазақстан «Қазақ елі» аталса, тарихи әділеттілік орнайды

Қазақстан «Қазақ елі»  деп аталса, тарихи жадымыз жаңғырады, еліміздің егемендігі нығаяды. Түрік академиясының президенті Дархан Қыдырәлі осылай ойлайды. Іргетасы 4 жыл бұрын қаланған іргелі мекеменің басшысы «Қазақ елі» деген ұғымды халқымыздың тарихымен тікелей байланыстырады.

 

Айтуынша, қазақ елі тәуелсіз мемлекет дегенді білдіреді. Ұлы ұғымды ежелгі түркілер, қағанат, мемлекет мағынасында қолданған. Күлтегін, Орхон жазбаларында жиі кездеседі. Бертін келе ақын-жазушылар да «Қалың елім, қазағым», деп көп жырлады.

 

Түркі елдерінің өткенін екшелеп, бүгінін безбендейтін академияның басшысы «Қазақстан Республикасы деген атау дұрыс емес», дейді. Себебі, «стан» парсы тілінен енген «ел», деген мағынаны білдереді, республика сөзі де сол түсінікте. Яғни, ел деген ұғым  екі рет қайталанып тұр. Сол себепті, Дархан Қыдырәлі егер Қазақстан атауы «Қазақ елі» деп өзгерсе, тарихи әділеттілік орнайды деп есептейді.