Басты Жаңалықтар Аязда қалған Түркия азаматы құтқарылды

Аязда қалған Түркия азаматы құтқарылды

10.02.2014 05:30

Еліміздің көп аумағында аяз болып тұр. Соның салдарынан жолдар жабылып, халықаралық, өңіраралық қатынас қиындауда. Қызылордалық жол патрульдік полицейлері «Самара-Шымкент» тас жолы бойында көлігі бұзылып, жарым жолда қалған түрік азаматын құтқарды.

Жолаушының айтуынша, көліктің пеші де істен шыққан. Жол полицейлерін жолықтырғанша біраз қиналған. Тіпті көлігін тастап, басын сауғалап кетуге де бел буыпты. Дегенмен, Шымкент бағытына қарай бет алған көлік жүргізушісі Мұстафа Акимге полицейлер дер кезінде көмек көрсетті.

Мұстафа Аким, жүргізуші:

Күн қатты суық екен. Мен бұлай болады деп ойлаған жоқпын. Діттеген жеріме жете алмай, қатты қиналдым. Кім біледі, егер жол сақшыларына кезікпегенімде, аязда үсіп кетер ме едім? Қызылордалық полицейлерге рахмет айтамын.

Ерік Нұрмағамбетов, Жол патрульдік полициясының аға инспекторы:

Қызылорда қаласына шамамен 10-ға жуық автокөлікті жеткіздік. Көліктердің жанар-жағармай, суы қатып қалып жатыр. «Самара-Шымкент» тас жолында көмек көрсетіп, қызмет атқарып жатырмыз.

Ақерке БЕРІКБЕКҚЫЗЫ

Бөлісу