Басты Жаңалықтар Жалған ақшамен есеп айырысқан

Жалған ақшамен есеп айырысқан

06.02.2014 08:00

Өскеменде жалған ақшамен айласын асырып жүрген алаяқ ұсталды. Қаржы полицейлерінің мәлімдеуінше, ол облыс орталығындағы дүкендердің бірінен азық-түлік сатып алып, жалған ақшамен есеп айырысқан.

Заңсыз жолмен жасалған 5 мың теңгелік купюралар қаладағы бірнеше дүкеннің кассаларынан шыға бастаған.

Құқық қорғау органдары арнайы іздестіру жұмыстарын жүргізіп, жалған ақшаны өткізіп жүрген Алматы қаласының тұрғынын тұтқындады. Оның көлігінен 100 дана 5 мың теңгелік жалған ақша табылды. Енді ол 15 жылға дейін бас бостандығынан айырылуы мүмкін.

Лейла Ысқақова, облыстық Экономикалық қылмысқа және сыбайлас жемқорлыққа қарсы күрес департаментінің баспасөз хатшысы:

Қылмыстық іс қозғалып, азамат Можейкин қамауға алынды. Жалпы, жыл басынан бері жалған ақша жасау фактілері бойынша департаментте 21 қылмыстық іс қозғалды.

Берік КӨШЕРБАЕВ

Бөлісу