Жаңалықтарды Telegram арнамыздан оқыңыз!Қостанай облысында қомақты ақшаны жымқырған ұрылар қолға түсті. Қылмыс қаңтардың 15-інен 16 -сына қараған түні Құсмұрын кентінде болған. Күдіктілер осы кенттегі «Қазпошта» бөлімшесінен 10 миллион теңгені жымқырып тайып тұрған.
Бұл қаражат зейнетақы мен басқа да әлеуметтік төлемдерге арналған. Қылмыс 20 күннің ішінде ашылды. Ұрлық жасағандар Құсмұрын кентінің 33 және 46 жастағы екі тұрғыны екені анықталды.
Ауылдан ізін жасырып үлгерген күдіктілерді полицейлер қаладағы жалдамалы пәтерде қолға түсірді. Оларды ұстау кезінде айғақ зат ретінде 2 миллион 700 мың теңге тәркіленген. Қалған ақшаны күдіктілер жұмсап үлгеріпті.
Ербол Дербесов, Қостанай облыстық ІІД Криминалдық полиция басқармасының бастығы:
Олар бұрын сотталған, Құсмұрын кентінде тұрған. Жұмыс істеуге Қостанай, Рудный қалаларына барып жүрген. Тұрақты кәсіптері болмаған. Жасаған қылмыстары ауыр болып есептеледі. 10 жылға дейін бас бостандықтарынан айрылуы мүмкін.
Дәуренбек ӘБДІБЕК
