Басты Жаңалықтар Мәжіліс депутаты қоғамдық қабылдау өткізді

Мәжіліс депутаты қоғамдық қабылдау өткізді

04.02.2014 08:30

Бүгін Мәжіліс депутаты Бақытжан Ертаев Астана қаласындағы «Нұр Отан» партиясы Қоғамдық қабылдау бөлмесінде бір топ қария мен қала тұрғындарын қабылдады.

Арыз-шағымын арқалап келгендердің көбі - Ауған соғысы ардагерлері мен «Жас отан» жастар қанатының мүшелері. Күйттегені - бір. Жұмысқа орналасу, баспана, жер мәселесі, сондай-ақ, материалдық көмек алу жайы.

Халық қалаулысы тұрғындардың талап-тілегін зейін қоя тыңдап, терең талқылады. Сондай-ақ, келіп түскен өтініштер ескерусіз қалмай, құзырлы мемлекеттік органдарға жөнелтілетінін айтты.

Бақдәулет Ахметов, Ауған соғысының ардагері:

Менің келген себебім - үй мәселесі. Жәрдем береміз деп жатыр. Алдымызда 25 жылдық мереке келе жатыр. Соған жәрдем болып қала ма, деген ниетпен келіп отырмын.

Бақытжан Ертаев, ҚР Парламенті Мәжілісінің депутаты:

Мәселелердің ең төрінде тұрғаны - жұмыс пен пәтер. Көбісін Үкімет қолдан келгенше шешіп жатыр. Шешілмеген мәселелер осы жерде көтеріліп жатыр. Әрине, осының барлығын біз жоғары жаққа жеткізіп, қолдан келген көмегімізді беріп жатырмыз.

Бөлісу