Басты Жаңалықтар «Кедергісіз келешек» жобасы басталды

«Кедергісіз келешек» жобасы басталды

30.01.2014 08:00

«Кедергісіз келешек». Еліміздің барлық өңірлерінде осындай атаумен «Нұр Отан» партиясының жаңа жобасы жүзеге аса бастады.

Мақсат - мүмкіндігі шектеулі азаматтарға қолдау көрсету, олардың түйткілді мәселерін шешуге көмектесу. Бұл үшін партияның қоғамдық қабылдау бөлімдері әр сәрсенбі сайын сағат 10-нан 12-ге дейін кембағал жандарды қабылдайды.

Шығыс Қазақстан облысында мұндай шара барлық аудан мен қалада ұйымдастырылды. Қабылдауға келген азаматтардың басым бөлігі жұмысқа орналасу, материалдық көмек, жәрдемақы немесе баспана алу бойынша проблемаларын айтты.

Түсіпхан Түсіпбеков, «Нұр Отан» партиясы ШҚО филиалы төрағасының бірінші орынбасары:

Бір аяғы жоқ адам болады, бірақ соны жыл сайын дәрігерлік-еңбек сараптама комиссиясына шақырып, оны ұзақ кезекте отыруға мәжбүрлейді. Неге? Түсінбейміз. Аяғы өспейді, сондықтан неге оған тұрақты түрде мүгедектік категориясын беріп, қоя бермейді деген сұрақтар туып жатыр. Бұл, осы таяуда келетін, Мәжіліс депутаттарының алдына қойылатын мәселе.

Берік КӨШЕРБАЕВ

Бөлісу