Басты Жаңалықтар Тергеу изоляторындағы жағдай тексерілуде

Тергеу изоляторындағы жағдай тексерілуде

28.01.2014 08:00

Атыраудағы УГ 157/1 тергеу изоляторындағы адамдарға қарсы зорлық-зомбылық жасалып жатыр деген хабардан соң, абақтының алдына олардың туыстары жиналды.

Қамауда отырғандардың ағайын-тумалары мекеме басшылығының байланысуға шектеу қойып отырғандықтарына наразы. Олар қамауға алынғандарды соққыға жыққандығын айтады.

Алайда, тергеу изоляторында жүргізілген тексеріс барсында, күдіктілерді ұрып-соғу фактісі дәлелін тапқан жоқ. Тек, абақтының ішкі тәртібіне бағынбаған 19 азамат өз-өздеріне қол жұмсап, түрлі жарақат алғаны анықталды.

Светлана Жармағамбетова, күдіктінің анасы:

Менің балам әлі сотталған жоқ. Тергеліп жатыр. Ешкім кіргізбейді. Майор ма? Біреу қолымнан бұрады да, шығарып жіберді.

Аслан Нұрғалиев, облыстық прокуратураның ресми өкілі:

Жедел жәрдем тобы аталған тұлғаларға бірінші көмек көрсетті, қазіргі уақытта ұсталғандардың денсаулық жағдайлары бірқалыпты. Ауруханаға жатқызу қажеттілігі туындамаған. Облыстық прокуруатура аталған тұлғалардың арызы бойынша қазіргі уақытта жан-жақты тексеру жұмыстарын жүргізуде.

Батырбек ҚУАНДЫҚҰЛЫ

Бөлісу