Басты Жаңалықтар Оқушыны қорлаған мұғалімге сот үкімі шықты

Оқушыны қорлаған мұғалімге сот үкімі шықты

27.01.2014 08:30

Солтүстік Қазақстанда оқушыны қорлап, маңдайына «екілік», деп жазып берген мұғалім жазаға тартылды. Алгебра және геоматерия пәнінің мұғалімін сот 1,5 жылға шартты түрде бостадығынан айырып, 60 мың теңге көлемінде моральдық шығын өтеу туралы кесім шығарды.

Естеріңізге сала кетейік, бұл оқиға Жамбыл ауданындағы Бауман негізгі мектебінде өткен жылы қыркүйекте болған. Мұғалім мұндай қадамға шәкіртінің көбейту кестесін жаттай алмағандықтан барған.

Динара Төлеңгітова, облыстық соттың баспасөз хатшысы:

Соттың шешімімен оған шартты түрде 1,5 жыл бас бостандығынан айыру және 2 жыл педагогикалық жұмыстармен айналысудан шектету туралы шешім шығарылды. Сот материалдарын қарау барысында оның жүктілігі, осындай қылмысқа бірінші рет баруы және жақсы мінездемелері жеңілдік жасауға себеп болды.

Сағындық СӘБИТҰЛЫ

Бөлісу