Басты Жаңалықтар Кеденші Қайсар Малғаждаров атындағы қайырымдылық қоры ашылды

Кеденші Қайсар Малғаждаров атындағы қайырымдылық қоры ашылды

16.01.2014 08:00

Петропавлда өткен жылы 29 қаңтар күні Алматы маңындағы әуе апатынан қаза тапқан кеден бекетінің басшысы Қайсар Малғаждаров атындағы қайырымыдылық қоры құрылды. Бұл ұйымның мақсаты - болашақта спортшы балаларға қолдау көрсету, жастардың бойында патриоттық рухты қалыптастыру.

Қайсар Малғаждаров 40-тан енді асқан шағында қазаға ұшырады. Артында жары мен 4 баласы қалды. Ол көзі тірісінде салауатты өмір салтын ұстанып, спортпен айналысты. Талай адамға демеу болып қол ұшын созды.

Бүгін марқұмның достары мен туған-туыстары, көзкөрген таныстары бас қосып, атпал азаматтың атындағы қайырымдылық қорының тұсауын кесті. Шара барысында 3 спортшыға демеушілік ретінде арнайы сертификаттар табысталды. Алдағы уақытта да қор мүшелері болашағынан үміт күттіретін спортшыларға қолдау білдірмек.

Бақыжан Сәмиева, Қ. Малғаждаровтың апасы:

Қайсардың жолдастарына, бірге жұмыс істеген әріптестеріне көптен-көп рахмет айтқым келеді. Осы қордың ашылуына көп көмектесті. Бұл қор спортпен айналысқан балаларға көмектеседі. Біздің Қайсар спортты өте жақсы көретін.

Жомарт Қажырахымов, қайырымдылық қорды ұйымдастырушы:

Өзі айналысты, баласын да спортқа тартты. Мен шағын футбол федерациясын басқарып отырсам, ол кеденшілердің командасын шығарып, қатыстырып, жеңіске жетуге бар күшін салып отыратын.

Сағындық СӘБИТҰЛЫ

Бөлісу