Балалардың қысқы демалысы қызықты өтуде

Табиғатты ақ көрпесіне ораған қыстың күні шана сүйреп, көк мұздың үстінде мәнерлеп сырғанап қарсы алу балалардың сүйікті ермегіне айналды. Бүлдіршіндер апта соңындағы демалыс күндерін тамаша өткізуде. Ұландардың бақытты балалық шағы қызыққа толы, уақыттарын бос өткізбей, спортпен айналысуда. Елімізде қысқы спорт түрлеріне деген қызығушылық артып келеді. Қатты аязға қарамастан, балдырғандар таза ауада коньки теуіп, мәз-мейрам. Оны шаттыққа толы жүздері байқатып тұр.