Басты Жаңалықтар Қостанай облысында электр қуатының құны қымбаттайды

Қостанай облысында электр қуатының құны қымбаттайды

11.01.2014 05:30

12 қаңтардан бастап, Қостанай облысында электр қуатының құны қымбаттайды. Осылайша жарықтың орташа сатылым бағасы жеке тұлғалар үшін 7 пайызға, заңды тұлғалар үшін 10 пайызға өседі.

Бағаны бірінші болып өндіруші кәсіпорын көтерген. Яғни, «Екібастұз 1» ЖШС осы уақытқа дейін электр қуатының әр киловатын 7 теңге 3 тиынға сатып келсе, енді оның құны тура 8 теңге болды. Олардан қалмай тасымалдаушылар да қызмет құнын қымбаттатқан. Жағдайды сараптай келе табиғи монополияларды реттеу агенттігі тұрғындарды электр қуатымен қамтамасыз етуші кәсіпорындардың өтінішін қанағаттандырды.

Алтынай Байсарина, Табиғи монополияларды реттеу агенттігінің Қостанай облысы бойынша департаменті басшысының орынбасары:

Жеке тұлғаларға 14 теңге 39 тиыннан 15 теңге 37 тиынға өсті. Заңды тұлғаларға 17 теңге 62 тиыннан 19 теңге 44 тиынға өсті. Бұл 10 пайызды құрайды.

Дәуренбек ӘБДІБЕК

Автор

Дәуренбек Әбдібек

Бөлісу