Басты Жаңалықтар 11 жүк вагоны аударылып қалды

11 жүк вагоны аударылып қалды

04.01.2014 05:30

Оңтүстік Қазақстанда көмір тиеп келе жатқан жүк құрамасының 11 вагоны жолдан шығып кетті. Оқиға кеше түнде 23 сағат 20 минут шамасында орын алған. Қатты отын тиеген пойыз Тараздан Шымкентке бара жатыпты.

Апат салдарынан бірнеше бағыт бойынша пойыздар кестеден кешігуге мәжбүр болған. Қозғалыс тек таңға жуық реттелді. Зардап шеккендер жоқ. Оқиға орнында арнайы құрылған комиссия мен Төтенше жағдай департаменті, «Қазақстан темір жолы» компаниясының мамандары жұмыс істеп жатыр.

Нұржан МЕРГЕНБАЙ

Бөлісу