Жаңалықтарды Telegram арнамыздан оқыңыз!Халықаралық «ЭКСПО-2017» мамандандырылған көрмесі аясында шілденің 21-і мен 24-і аралығында Астанада «Дәулет» спорт кешенінде ерлер мен әйелдер арасында белбеу күресінен Әлем чемпионаты өтеді. Бұл туралы бүгін ұйымдастырушылардың қатысуымен өткен баспасөз конференциясында белгілі болды.
Жарысқа әлемнің 22 мемлекетінен 200-ден аса спортшы қатысады. Медальдар сегіз салмақ дәрежесі бойынша еркін және классикалық стиль бойынша сарапқа салынады. Бұл жарыс елімізде үшінші рет өткізіліп отыр. Бұған дейін 2006 жылы Алматыда және 2012 жылы елордамызда болған-тын. Биылғы жарыста да палуандарымыз алтын алып, ұлттық спорттың мерейін үстем етуге мүдделі.
