Азия ойындарындағы алғашқы жүлделер

Инчхонда жалауын желбіреткен 17-ші Азия ойындарының алғашқы жарыс күні қоржынға алтын медаль түсті. Зілтемір шебері Маргарита Елисеева алтыннан алқа тақса, жеңісті жолды дзюдодан Елдос Сметов жалғастырды. Ол финалда моңғол спортшысын ұтып, Азия ойындарының чемпионы атанды.

Ал, синхронды жүзушілер қола медальді иеленді.  Сонымен қатар нысана көздеу спортында да бәсекелер өтті.  Осыдан 4 жыл бұрын Гуанджоуда өткен жазғы ойындарда жерлестеріміз Зауреш Байбосынова, Галина Беляева және Юлия Дришлюк командалық сында ел қоржынына алтын медальді салған болатын.

Индира БЕКТЕНОВА