Жаңалықтарды Telegram арнамыздан оқыңыз!ҚР Дзюдо федерациясының ұйымдастыруымен Ақтауда дзюдо күресінің бапкерлерінің республикалық семинары басталды.
Федерация бапкерлердің біліктілігін арттыру мақсатында биылдан бастап, аймақтық семинарлар ұйымдастыруды қолға алған. Ондағы мақсат - әсіресе, ауылдық жерлердегі бапкерлердің білімін жетілдіру.
Үздік спортшылардың барлығы ауылдық жерлерден шығатындығы белгілі. Сондықтан, осындай семинар арқылы жаттықтырушылар өз білгенін толықтырып отырмақ.
Михаил Щепетюк, Қазақстанға Еңбегі сіңген жаттықтырушы:
Бапкерлер үшін бұл - таптырмайтын семинар. Олар алысқа бармай-ақ, осы жерден дзюдоның жаңа ережелері туралы толық мағлұмат ала алады. Біз теорияны практикамен ұштастырып, нақты деректер береміз. Бұл бапкерлердің біліктілігін арттыру үшін қажет.
Тельжан КҮДЕРОВ
