елшілер, шаңғы, казтрк, қазақстан ртрк

Бүгін шет елдің дипломаттары мен еліміздің лауазымды тұлғалары шаңғыдан жарыс өткізді. Сайысты біздің Сыртқы істер министрлігі ұйымдастырып отыр. Негізі Елшілер сыпайы амандасумен шектелетін, протоколмен ғана жүріп-тұратын қауым. Бүгінгі мына іс-шара сол, тым ресми қарым-қатынасты жұмсарту үшін өткізіліпті. Дипломаттар достасып жатса, мемлекеттер арасы да жыли түсетіні бар емес пе?! Сонымен, дипломаттардың жарысы қызықты өтті. Қытай, жапон, корей Елшілері барын салып жүгіргенімен соңынан келді. Ал Араб елдерінің дипломаттары тек жанкүйерлікке ғана жарады. Сайыс соңынан, біраз депутатты сөзге тарттық. Олар бір ауыздан: жарыс баршамызды жақындастыра түсті, дейді.