Басты Жаңалықтар Мемлекеттік қызметкерлер арасында жарыс өтті

Мемлекеттік қызметкерлер арасында жарыс өтті

28.02.2014 08:30

Шығыс Қазақстан облысында мемлекеттік қызметкерлердің XIV спартакиадасы өтіп жатыр. Жыл сайын ұйымдастырылатын спорттық шараға 5 қала мен 14 ауданның мемлекеттік қызметкерлері қатысуда.

Қалалық және аудандық әкімдік, облыстық департамент пен басқармалар, сондай-ақ, аймақтағы құқық қорғау органдарының өкілдері спорттың 9 түрінен бақ сынап, өзара мықтыларын анықтайды.

Бүгін спартакиадаға қатысушылар мини-футболдан сайысқа түсті. Жарыстың бұл түрі бойынша турнирлер ертең аяқталады. Одан соң суда жүзу, волейбол мен шаңғы жарыстары өтеді. Әр команда жеңіске жету үшін бар күштерін салуда.

Сәрсенхан Қабдолданов, Үржар аудандық Дене шынықтыру және спорт бөлімінің басшысы:

Бүгін бірінші кездесуде Зайсан ауданының командасынан жеңіліп қалдық. Одан кейін Катонқарағай, Абай ауданы бар. Жігіттеріміздің жігері жаман емес, жеңіске деген құштарлықтары бар, жақсы нәтиже көрсетеміз деп ойлаймын.

Берік КӨШЕРБАЕВ

Бөлісу