Украиналық азамат Олимпиада ойындарына бару үшін жолаушыларды дүрліктірген

Украинадан шыққан ұшақ Стамбулға қонуға мәжбүр болды. Ондағы жолаушылардың бірі ұшақ бортында жарылғыш зат бар екенін айтып, ұшақ бағытын XXII Қысқы Олимпиада ойындары өтіп жатқан Сочиге ауыстыруды талап еткен.

 

Осыдан кейін ұшақ F-16 әскери ұшағының бағыттауымен Стамбулға қонды. Қазіргі уақытта әуе көлігі Сабих Гёкчен атындағы әуежайдың қауіпсіздік аймағында тұр. Мамандар оның бортынан жарылғыш затты іздестіруде. Түркиялық TRT агенттігінің хабарлауынша, ұшақ  Харьков-Стамбул бағытын бетке алған. «Pegasus Airlines» әуе компаниясына тиесілі ұшақ бортында 110 адам болған.