Павлодарда макулатураны өңдейтін кәсіпорын салынып жатыр

Экологиялық заңнамаға сәйкес енді қалдықтар көмілмейді, қайта өңделеді. Бұл ретте Мемлекет басшысының тікелей тарсырмасымен ірі қалаларда алдын-ала қоқыс өңдеу зауыттарын салу және қалдықтарды кәдеге жарату жүйесін дамыту қолға алынған еді. Соған сәйкес «Жасыл даму» акционерлік қоғамы өңірлер ұсынған 67 жобаны мақұлдаған. Оның 43-і қалдықтарды қайта өңдеуге бағытталған. Мәселен Павлодар қаласында макулатураны қайта өңдеп, қағаз және картон шығаратын кәсіпорын салынып жатыр. Келер жылы іске қосылады. Жобаның құны 16 млрд. 726 млн. теңге. Бұл қаржы кәсіпкерге 3% өсіммен утилизациялық алым есебінен берілді. Оның үстіне Павлодардағы зауыт арнайы экономикалық аумақта салынып жатқандықтан салықты жеңілдетілген мөлшерде төлейді.

Осы зауыт ашылған соң 250 дей адам жұмыс істейді. 75 мың тонна макулатураны өндіреміз. 60 мың тоннадай жаңа қағазбен картон шығарамыз. Экологиялық өте маңызды біздің құрылысымыз.