Құрылтай депутаты амандасу мәдениетін үйретті

Депутат Ерлан Сайыр мектепте балаларға амандасу әдебін үйретуді ұсынды. Қазақ қоғамында амандасу да өз алдына бір дәстүр ретінде қалыптасқан. Мәдени код ұрандардан емес, күнделікті әдеттен басталады. Сондықтан ұлттық құндылықтарға негізделген әдістемелік ұсынымдарды әзірлеу керек, дейді депутат. Салт-дәстүрімізге сай әдепті әрі байсалды сәлемдесудің маңызына Мемлекет басшысының айрықша тоқталғаны белгілі. Президент мұның астарында үлкенді сыйлау, кішіні құрметтеу, ағайын арасындағы байланысты сақтау сияқты құндылықтар жатқанын атап өткен еді.

Бұл мәселені бір реттік акция немесе тәрбие жұмысы ретінде емес, ұлттық бірегейлікті нығайтатын ұзақ мерзімді мемлекеттік мәдени саясаттың бір бағыты ретінде қарастыруды маңызды. Жаһандану жағдайында әр халықтың өзіндік амандасу мәдениетін сақтау – ұлттық мәдени ерекшелікті сақтаудың бір тетігі.