Миялы – Тайсойған жолын құм басып қалған

Атырау облысында Миялы – Тайсойған бағытындағы жаңа автожолды құм басып жатыр. 45,8 шақырымдық жолдың құрылысы аяқталғанымен, нысан әлі толық пайдалануға берілмеген. Кей учаскелерде құм асфальттың үстіне шығып, көлік қозғалысына кедергі келтіруде. Құны 14,7 млрд теңге болатын жобаның құрылысы 2023 жылдың күзінде басталған. Жаңа жол Тайсойғаннан аудан орталығына жету уақытын екі-үш сағаттан шамамен 40 минутқа дейін қысқартуға мүмкіндік береді. Облыстық жолаушылар көлігі және автомобиль жолдары басқармасы бұл жағдайды табиғи құбылыс деп түсіндірді. Нысан қабылданғаннан кейін жол Қызылқоға ауданының балансынА беріледі. Ал құм басу қаупі бар учаскелер жүйелі түрде тазартылмақ.