Алматыда салют атуға болмайды

Алматыда келер жылдан бастап қала орталығында пиротехникалық бұйымдарды қолдануға шектеу қойылады. Талап 2027 жылдың 8 қаңтарынан бастап күшіне енеді. Алайда бұл тыйым әзірге қаланың барлық аумағына емес, төмен шығарындылар аймағына ғана қатысты. Яғни ауаға тарайтын зиянды қалдықтарды азайтуға бағытталған арнайы аумаққа бағытталады. Бұл норма қазір Бөгенбай батыр, Желтоқсан, Абай және Достық көшелерінің аралығында пилоттық режимде жұмыс істеп тұр. Жаңа талап бойынша бұл жерде отшашу, салют және басқа да пиротехникалық бұйымдарды қолдануға болмайды.