Биыл «Самұрық-Қазына» 3,2 триллион теңгенің инвестициялық жобаларын аяқтайды

Каспий теңізінің табаны арқылы талшықты-оптикалық байланыс желісін төсеу жұмыстары жыл соңына дейін толық аяқталады. Президенттің қабылдауында болған «Самұрық-Қазынаның» басқарма төрағасы Нұрлан Жақыпов осылай деп есеп берді. Жалпы қор биыл 3,2 триллион теңгенің инвестициялық жобаларын түйіндеуді жоспарлап отыр. Соның ішінде Мойынты – Қызылжар, Дарбаза – Мақтаарал теміржол желілерін салу, Алтынкөл – Жетіген, Бейнеу – Маңғыстау теміржол учаскелерін жаңғырту, Қашаған кен орнындағы газ өңдеу зауытының құрылысы сияқты ауқымды жобалар бар. Кездесу соңында Қасым-Жомарт Тоқаев Қор жұмысының негізгі бағыттарына қатысты бірқатар міндет жүктеді.

Нұрлан Жақыпов, «Самұрық-Қазына» АҚ басқарма төрағасы:

2027-2029 жж 21 трлн теңгеге 38 жоба орындалуы тиіс. Бұл жобалар энергетика, мұнай-газ, көлік және цифрлық инфрақұрылым салаларын қамтиды. Корпоративтік әлеуметтік жауапкершілік аясында да жобалар бар. Ел бойынша медициналық және әлеуметтік нысандар салынып жатыр.