13,5 млн тонна астық жиналды

Кетпен ұстаған қауымның жұмысы қауырт. Биылғы өнімнің 61,6 пайызы қазірдің өзінде қамбаға құйылды. Диқандар 9,6 млн гектар алқаптан дәнді дақылдарды жинап үлгерген. Күтіміне қарай егін де бітік шықты. Зертханалық сараптамаға сәйкес, жиналған жұмсақ бидайдың 93 пайызы азық-түлікке жарамды. Бүгінде лицензияланған кәсіпорындарға 2,83 млн тонна астық қабылданды. Бұл былтырғы осы кезеңмен салыстырғанда бес есе көп. Дәнді дақылдардан бөлек, 900 мың тоннадан астам майлы дақыл, 2,4 млн тонна көкөніс, 1,8 млн тонна бақша өнімі және 1,2 млн тонна картоп жиналды. Ауыл шаруашылығы министрлігі егінді жинау, сақтау және қабылдау жұмыстарын бақылауда ұстап отыр.