Астанада жүзуден Әлем кубогы өтеді

15-17 қазан аралығында жүзуден әлем кубогы Астанада алғаш рет өтеді. Биыл бәсекені Баку, Ташкент және Астананы біріктіретін Silk Road Tour бірыңғай бағыты аясында өткізу жоспарланып отыр. Үш кезеңге 50-ден астам елден 750-ден аса спортшы қатысуға өтініш берген. Астана кезеңінің бағдарламасында ерлер мен әйелдер арасында 34 жеке жарыс, сондай-ақ аралас эстафеталар бар. Сайысқа Олимпиада чемпиондары мен жүлдегерлері және әлем рекордтарының қазіргі иелері қатысады. Үш кезеңнің жалпы жүлде қоры 1,2 млн АҚШ доллары.