Қазақстандық кітаптар халықаралық байқауда 9 жүлде иеленді

Қазақстандық кітаптар халықаралық байқауда тоғыз жүлделі орынға ие болды. Минскіде өткен додада отандық баспалар ұсынған кітаптар екі бірінші, төрт екінші және үш үшінші орын алды. Бірінші орынға Қымбат Қараеваның «Көшпенділер ойындары» және Кенжехан Матыжановтың «Абай» үш томдығы лайық деп танылды. Сонымен қатар қазақстандық басылымдар арнайы дипломдармен марапатталды. Бұл нәтиже отандық кітап басу ісінің халықаралық деңгейдегі жетістігін көрсетеді дейді қаламгерлер.