Қоғамдық кеңестің жаңа құрамы жұмысын бастады

Еңбек және халықты әлеуметтік қорғау министрлігінің IV шақырылымдағы Қоғамдық кеңесінің алғашқы отырысы өтті. Қоғамдық кеңес еңбек және әлеуметтік қорғау саласындағы мемлекеттік саясатты жетілдіруге қатысып, қоғамдық сараптама мен бақылау жүргізеді. Сондай-ақ азаматтардың ұсыныстарын ескеруге және министрлік пен қоғам арасындағы кері байланысты нығайтуға ықпал етеді. Кеңес еңбек құқықтарын қорғау, жұмыспен қамтуды дамыту, әлеуметтік қолдауды жетілдіру және мемлекеттік көмек шараларының қолжетімділігін арттыру мәселелеріне ат салысады.

Сұлтанбек Макежанов, ҚР Еңбек және халықты әлеуметтік қорғау министрлігінің қоғамдық кеңес төрағасы:

Министрлік жұмысының нәтижесінде әртүрлі талдау жұмыстарын жүргізіп, негізгі алты бағыт қойылған. Біріншіден, жұмысқа орналасу мәселесі, қауіпсіздік мәселесі, біраз уақыт өткеннен кейін зейнеткерлікке шығатын болса, қалай алу мәселесі, әлеуметтік мәселелерді қалай шешу мәселесі, қоғам үлкен миграциялық мәселе - көші-қон мәселесі бар.