Ұлыбританияда Jaguar land rover компаниясы 4000 жұмыс орнын қысқартпақ

Британияның люкстік автомобиль өндірушісі Jaguar Land Rover алдағы екі жылда әлем бойынша 4 мың жұмыс орнын қысқартатынын жариялады. Мақсат – шығындарды азайтып, бәсекелестік мүмкіндіктерін арттыру.

Зауыт шығаратын автомашина санын 300 мың данаға дейін кемітіп, 1,7 миллиард фунт-стерлинг үнемдеуден үмітті.

Айта кетсек, Jaguar-да 40 мыңдай адам жұмыс істейді. Солардың 30 мыңға жуығы Ұлыбританиядағы кәсіпорындарда еңбек етеді.

Үндістандық Tata Motors компаниясына тиесілі Jaguar-дың өткен жылдағы саудасы 20 пайызға кеміген. Бұған кибершабуылдар, америкалық тарифтердің өсуі және Қытай тарапынан бәсекелестіктің күшеюі себеп болып отыр.