Басты Жаңалықтар Ел жаңалықтарына шолу

Ел жаңалықтарына шолу

31.08.2026 17:32

Балабақшаға тұру кезегі 85%-ға дейін қысқарды

Елде балабақшаға тұру кезегі 85%-ға дейін қысқарды. Бұл туралы Оқу-ағарту министрлігі айтты. Мұндай көрсеткішке ваучерлік қаржыландырудың арқасында жеттік, дейді ведомство өкілдері. Жаңа механизм іске қосылғаннан кейін кезекте тұрған 2-6 жастағы балалардың тізімі 160 мыңнан 23 мыңға дейін азайған.

Балалардың қауіпсіздігі басты назарда

Мектептерде 283 мың камера жұмыс істейді. Білім ордасының ішіндегі қауіпсіздік қана емес, балалардың мектепке дейін жолы, аман-есен барып келуі де ерекше назарда. Ішкі істер министрлігі білім ошақтарының маңындағы жол инфрақұрылымына 9500 дей сараптама өткізген. Нәтижесінде 4 мыңнан астам ескерту жасалып, жауаптылар бүгінде оның 3 жарым мыңдайын түзетіп үлгерді. Қосымша 5 мыңға жуық жол белгісі қойылды. Мұның бәрі «Заң және тәртіп» қағидатының аясында қолға алынды.

Александр Булик турнирді сәтті бастады

Қазақстанның бірінші ракеткасы Александр Бублик Нью-Йоркте өтіп жатқан турнирдің алғашқы жарыс күнін жеңіспен бастады. Ол бірінші матчта әлемнің 253-ракеткасы Джей Джей Вульфпен шеберлік байқасты. Ойын барысында отандасымыз айқын басымдық көрсетіп, алғашқы екі сетті 6:4, 6:2 есебімен жеңді. Үшінші партияда америкалық теннисші таразы басын өзіне аударып, сет 3:6 есебімен аяқталды. Дегенмен Александр тез арада ойын ырғағын қалпына келтіріп, төртінші сетте бірден үш геймді қатарынан еншіледі. Осылайша матч 6:1 есебімен өз мәресіне жетті.

Ж. Бекмұхамбетова – Халықаралық турнир жеңімпазы

Жәния Бекмұхамбетова үстел теннисінен халықаралық турнирде жеңімпаз атанды. Отандасымыз словениялық, үндістандық, сингапурлық, хорватиялық қарсыластарын 3:0 есебімен ойсырата жеңді.

Автор

Жанел Нұрболатқызы

Бөлісу