Қазақстан - онлайн қызметтер индексі бойынша үздік ондықта

Қазақстан Біріккен Ұлттар Ұйымының электронды үкіметті дамыту индексінде 24-орынға көтеріліп, онлайн қызметтер индексі бойынша әлемнің үздік ондығына енді. Бүгінде елімізде мемлекеттік қызметтердің 90 пайыздан астамы онлайн көрсетіледі. Цифрлық мемлекеттік қызметтерді одан әрі жетілдіру үшін жаңа цифрлық өнімдер QazTech бірыңғай платформасында әзірлене бастады. Ал жаңа eGov 3.0 порталы азаматтарға қызмет алуды барынша жеңілдетуге бағытталған. Енді қажетті қызметті табу үшін интеллектуалды eGov GPT көмекшісі  жол көрсетіп, кеңес береді.