Қазақстан–Қытай мәдени байланысы беки түспек

Қытай елімізге шекаралас мемлекет қана емес, стратегиялық маңызды серіктес. Екі ел арасындағы байланысты нығайтуда мәдени алмасудың маңызы зор. Бұл туралы «Қорғас» халықаралық орталығында өтіп жатқан жиында айтылды. Үш күнге жоспарланған шарада екі халықтың өнері мен салт-дәстүрі таныстырылады. Ұлттық өнер ұжымдарының концерттері, қолөнер көрмелері, ұлттық киімдер көрсетілімі мен дәстүрлі спорт жарыстары ұйымдастырылады. Мұндай мәдени шаралар қос халықтың дәстүр мен өнерін жақынырақ танып, екі жақты байланыстың артуына сеп болады дейді мамандар

Ерлан Нарынбаев, Панфилов ауданының Туризм және бизнесті қолдау бөлімінің басшысы:

Алдағы уақытта осындай шараларды жиі өткізу туралы екіжақты келісімге қол жеткізілген. Осындай мәдени шаралар екі елдің арасындағы достық қарым-қатынасты нығайтып, туризм саласын, шекара маңы туризмнің дамуына үлкен үлес қосады.