Сайлау алдында сауалнама жүргізетін ұйымдар белгілі болды

Орталық сайлау комиссиясы саяси науқан алдында сауалнама жүргізетін 5 ұйымды атады. Олар - «Еуразиялық интеграция институты», «DATAmetrics» серіктестігі, Қоғамдық саясат институты, Кешенді әлеуметтік зерттеулер институты, Қазақстандық қоғамдық даму институты. Заңға сәйкес, бұқаралық ақпарат құралдары мен онлайн-платформалар сауалнама нәтижелерін жариялаған кезде зерттеу жүргізген ұйымды, тапсырыс берушіні, сауалнама уақытын, ақпарат жинау әдісін көрсетуге міндетті. Сонымен қатар сайлау алдындағы соңғы бес күнде және дауыс беру күні қоғамдық пікір сауалдарының нәтижелерін, сайлау қорытындысына қатысты болжамдарды жариялауға тыйым салынады.