Биыл 120 мәдениет және өнер қызметкеріне мемлекеттік марапат табысталады

Ақорда сарайындағы мерекелік іс-шарада Президент қолынан жалпы 45 азамат сый-сыяпат алды. Оның ішінде  төл мәдениетіміздің өрісін кеңейтіп, халқымыздың рухани дүниетанымын байыту жолында жемісті еңбек етіп жүрген бірнеше өнер қайраткеріне «Қазақстанның халық әртісі» атағы берілді. Ал ел бойынша биыл 120 өнер қызметкері мемлекеттік марапатқа ие болады. Белгілі актер Асан Мәжитке «Құрмет» ордені табысталды.

Өнер адамы негізі ізденіс үстінде ғой. Бізде тоқтау болса онда тоқырау болады. Сондықтан әлде де ізденеміз, тың дүниелер әкелеміз деп ойлаймын. Жақсы кейіпкерлер, көрерменнің көңілінен шығатын берері мол кейіпкерлер болады деп сенемін. Бұнымен тоқтамаймыз, жаңа айтқандай, жауапкершілік артты. Демек екі есе күш саламыз.