Елордада ардагерлер арасында республикалық волейбол турнирі өтті

Елордада ардагерлер волейбол федерациясы президентінің кубогіне арналған ауқымды турнир өтті. Жарысқа еліміздің түкпір-түкпірінен 37 команда келген. Қатысушылар 50-ден 70 жас аралығында. Қарттардың қимылы ширақ. Ала допты алақанда иіріп, көпшілікті таң қалдырды. Дәстүрлі шара әр жылдары елге еңбегі сіңген ардагерлердің басын қосатын, тәжірибе мен спортты ұштастыратын кездесу. Биыл 8-мәрте ұйымдастырылып отыр. Федерацияның барлық облыста филиалдары бар. Яғни ардагерлер спортпен тұрақты шұғылданып жүр. Сондықтан болар бәсекелестік өте жоғары деңгейде өтіп, ойын тартысқа толы болды.