Еріктілер 60 азық-түлік себетін таратты

Наурыз қарсаңында Алматыда қайырымдылық шаралары күшейді. Қалалық волонтерлер жыл басынан бері әлеуметтік осал топтарға тұрақты көмек көрсетіп келеді. Соңғы акцияда 60-тан аса азық-түлік себеті таратылды. Еріктілер көпбалалы отбасыларға, зейнеткерлер мен мүмкіндігі шектеулі жандарға қолдау білдірді. Ұйымдастырушылар мұндай көмекті алдағы уақытта да жалғастыруды жоспарлап отыр.

Қымбат Нұрдәулет, қалалық Волонтерлер фронт-офисі жетекшісі:

2026 жыл халықаралық еріктілер жылы деп жарияланды. Осы мақсатта әлі де көптеген отбасылар қамтылады деген ниеттеміз. Бұл жерде тек қана осал отбасылар емес, сонымен қоса қарттар, жалғыз тұратын жандар, ерекше жандар деп айтамыз ғой сол кісілерге көмек көрсету жоспарда бар.