Астанада Президент қатысуымен мәслихат депутаттарының ІІІ республикалық форумы өтіп жатыр

Дәл қазір Астанада Президенттің қатысуымен Мәслихат депутаттарының III республикалық форумы өтіп жатыр. Саяси шараға еліміздің түкпір-түкпірінен келген 2 мыңға жуық депутат қатысып жатыр. Кез келген ауыл, ауданның мәселесін олар жақсы біледі. Форум орталық пен аймақты біріктіріп, сол проблемаларды талқылайтын, пікір алмасатын алаң. Шараның мақсаты – Мемлекет басшысы жүргізіп жатқан саяси реформаларды жалғастыру аясында, соның ішінде жаңа Конституция жобасы шеңберінде депутаттар мен мәслихаттардың жұмыс тәсілдерін жаңарту. Сондай-ақ мәслихаттардың рөлін күшейту, халықпен ашық байланыс орнату, өңір мәселелерін тиімді шешу және депутаттардың өзара тәжірибе алмасуына мүмкіндік беру.