Мәжіліс төрағасы Беларуське ресми сапармен барды

Қазақстан мен Беларусь арасында заң шығару саласындағы тәжірибе алмасу, цифрландыру, жасанды интеллект, мәдениет, білім және жастар жобалары бойынша ынтымақ артпақ. Мәжіліс төрағасы Ерлан Қошанов Беларусь Республикасына ресми сапармен барды. Сапар аясында ол Беларусь Президенті Александр Лукашенкомен кездесіп, тағы бірқатар лауазымды тұлғамен жүздесті. Тараптар екі ел арасындағы стратегиялық әріптестіктің жоғары деңгейін атап өтіп, парламентаралық ынтымақты кеңейту мәселелерін талқылады. Мәжіліс спикері Беларусь басшылығына Президент Қасым-Жомарт Тоқаевтың жылы лебізін жеткізді. Сонымен қатар, елде талқыланып жатқан жаңа Конституцияның жобасы Қазақстан Парламентінің құзыретін едәуір күшейтетінін, қоғамның саясатқа араласуын кеңейтетінін және «Күшті Президент – ықпалды Парламент – есеп беретін Үкімет» формуласын нығайтатынын ерекше атап өтті. Кездесу соңында, депутаттар өзара ықпалдастықты нығайтуға уағдаласты.