Президент: Цифрландыру халыққа қызмет етуі керек

Цифрландыру және жасанды интеллект жылын құр ұранмен өткізбей, нақты нәтижеге қол жеткізу қажет. Мемлекет басшысы Ұлттық құрылтайда осылай деді. Президенттің сөзінше, бұл бастама тиімді шешімдерді жедел қабылдауға, еңбек өнімділігін арттыруға және қызмет сапасын жақсартуға мүмкіндік береді. Сондықтан мұндай талаптар барлық мемлекеттік органға қойылады. Сондай-ақ Президент өзгерістердің нәтижесі нақты көрсеткіштермен бағаланып, халық күнделікті өмірінде оның пайдасын сезінуі керектігін де атап өтті. Тұрғындар цифрландыруды дамытса, қызметтерді жылдам әрі ашық алуға мүмкіндік береді деп есептейді.