Басты Жаңалықтар Атырау облысындағы оқиға: Күдікті іздестіріліп жатыр

Атырау облысындағы оқиға: Күдікті іздестіріліп жатыр

11.01.2026 20:12

Атырау облысы Қызылқоға ауданында ерлі-зайыптылардың өліміне қатысты марқұмдардың күйеу баласы күдікті ретінде іздестіріліп жатыр. Жангелдин ауылында бүтін бір отбасы із-түзсіз жоғалып кетіп, апта ішінде отағасы мен әйелінің мүрдесі ауладағы сарайдан табылған еді. Ал 33 және 35-тегі екі ересек баласынан хабар-ошар жоқ.

Анау «хакерге» қатысты құқық қорғау органдары оның айтқанының бәрі жалған деп отыр. «Таратқан мәліметтері - ресми органдардың түзген ақпары. Профильді және техникалық мамандар байланыс операторлары басқа уәкілетті ұйымдардан заң аясында ақпарат алған. Әлгі азамат сол деректерді пайдаланып отыр», - деді.

Бүгін мынадай ақпарат шықты: Атырау қаласының маңындағы Жангелдин ауылында жоғалған отбасын іздеу жұмыстары жалғасып жатыр. Ықтимал күдікті тұрған Геолог ықшамауданында жүргізіліп жатқан тексеріске полиция мен Ұлттық ұланның шектеулі саны жұмылдырылған. Учаскеде жылжымалы штаб орналастырылған.

Бұл отбасының жоғалғанын айтып, туыстары желтоқсанда полицияға арызданған. Отбасы айдан аса уақыт байланысқа шықпаған...

Қойылатын сұрақ мынау - учаскелік инспектор ауылда не болып жатыр, адамдардың үйлерінің түтіні түзу ме, түтіні бар ма деп қарамай ма?..

Автор

Жайна Сламбек

Бөлісу