Ақмола облысына 650 млрд теңге инвестиция тартылған

Биыл Ақмола облысы инвестиция тартудан көш бастап тұр. Жыл басынан өңірге 650 млрд теңге көлемінде қаржы тартылған. Бұл 10 мыңнан аса жаңа жұмыс орнын ашуға мүмкіндік бермек.  Қазір өңірде  6 индустриалдық аймақ бойынша 100 шақты жоба  іске асырылып жатыр. Мәселен, «Кокshe Indastri» индустриялдық аймағында  кірпіш зауытының құрылысы қарқын алды. Өндіріске жергілікті инвестор қаржы салған. Жылына 60 млн дана кірпіш шығарады. Құрылысқа 50 шақты жұмысшы тартылған. Кейін зауыт іске қосылғанда 170 адам жұмысқа орналасады.

Құрылыс жұмыстарын шілде айында бастаған болатынбыз. Жоспар бойынша бұл зауыт бірінші кірпішін 2026 жылдың қазан айында шығармақшы. Бұл зауыттың ерекшелігі - негізі бүкіл тартылатын шикізатымыз осы облысымызда орналасқан. Лицензия алынды. Екі лицензиямыз бар. Тағы екеу аламыз. Кен орындарын өндіру үшін.