Құс тұмауы мутацияланса, COVID-19-дан да қауіпті болуы мүмкін

Құстар мен сүтқоректілердің арасында тарап жатқан тұмау мутацияланып, адамға жұқса COVID-тен де ауыр пандемияға әкеп соғуы мүмкін. Мұны француздың Пастер институтының Респираторлық инфекциялар орталығының жетекшісі Мари-Анн Рамейкс-Вельти мәлімдеді. Оның сөзінше, адамдарда H1 және H3 маусымдық тұмауларға қарсы антиденелер болғанымен, H5 құс тұмауына қарсы антиденелер жоқ. Сонымен қатар, Рамейс-Вельтидің айтуынша, қауіпті вирустың «ковидтан» айырмашылығы сол, сау адамдардың ғана емес, балалардың да өмірін қиюы мүмкін. Дегенмен, ғалымдар 2019 жылмен салыстырғанда адамзат жаңа пандемияға әлдеқайда әзір деп есептейді. Себебі, індеттің алдын-алу шаралары, кандидат-вакциналар және тиімді препараттар қазірдің өзінде дайын.