ДСМ: Шектеулер енгізуге ешқандай негіз жоқ

Денсаулық сақтау министрлігі қазіргі эпидемиологиялық жағдайды COVID-19 пандемиясымен салыстырып, қазақстандықтарға кеңес берді. Бірақ, сол кездегі шектеулерді қайта енгізуге ешқандай негіз жоқ деп мәлімдеді. Бұған дейін ведомство өкілдері вирус жұқтырғандардың саны 2 миллионға жеткенін хабарлаған еді. Гонконг тұмауына шалдыққандар қатары 1500-ға жуықтаған. Вирустық инфекцияның таралуына байланысты елімізде 250 мың бала қашықтан оқып жатыр. Дәрігерлер тұрғындарды адам көп жиналатын орындарға бармауға, гигиеналық талаптарды қатаң сақтауға шақырады. Сондай-ақ, қоғамдық орындарда бетперде тағып жүруге кеңес береді.