Трамп арнайы өкілдерін Мәскеу мен Киевке жіберетінін мәлімдеді

Украина үкіметі бейбітшілік жоспары бойынша АҚШ-пен ортақ түсіністікке қол жеткізгенін мәлімдеді. Ал Құрама Штаттар президенті Дональд Трамп өзінің өкілі Стив Уиткоффқа Ресей президенті Владимир Путинмен келіссөз жүргізуге тапсырма бергенін хабарлады. Тағы бір сөзінде Трамп екінші өкілі Дэн Дрисколлдың Украина тарапымен сөйлесетінін атап өтті.

Жексенбі күні АҚШ пен Украина өкілдері Трамптың 28 пунктен тұратын бейбіт жоспарын талқылап, оның тармақтарын 19-ға дейін азайтты. Мәскеу  бұл құжаттың жаңа вариантын әзірге көрмегенін мәлімдеп отыр.